Shkarkimi i Jose Mourinhos nga Manchetser United ka krijuar shumë hipoteza për pasuesin e tij tek “Djajtë” dhe skuadrën e re që do të drejtojë portugezi. Ndërkohë që Real Madrid ndodhet në Emiratet e Bashkuara Arabe, ku do të zhvillojë ndeshjet finale të Botërorit të Klubeve, mbrojtësi Marcelo nuk i ka shpëtuar pyetjeve rreth Jose.
A jeni i surprizuar nga shkarkimi i Mourinho-s? A mund të kthehet?
“Jam këtu për të folur për Botërorin. Më pyesni si ka qenë te Real Madrid. Është turp sepse ai është një trajner i madh dhe tani mbetet pa klub. Nëse ai kthehet në Madrid, nuk jam unë ai që vendos për këto gjëra. Ai ka bërë punë të madhe për Realin.”
Zërat thonë se Zidane do marrë vendin e Moruinho. Iu duket mirë?
“Zidane ka bërë punë të shkëlqyer në pak kohë dhe çdo klub në botë do ishte i duhuri për të.”
Braziliani iu përgjigj edhe pyetje në lidhje me marrëdhënien e Isco-s me Solari-n, teksa theksoi se mesfushori është ndër lojtarët me aftësitë më të mira në fushë, por në futboll ka momente kur dikush luan më shumë e dikush më pak. Sipas tij, janë mediat që e kanë vënë theksin në këtë plan, që për të duket pa kuptim.
