Pas anulimit të takimit të presidentit Trump me Vladimir Putin, reagon Moska zyrtare. Zëdhënësja e Ministrisë së Jashtme ruse, Maria Zakharova, tha se beson që arsyeja e vërtetë pse presidenti amerikan anuloi takimin me Putin, është situatë e brendshme politike në SHBA dhe jo incidenti në Kerck javën e kaluar.
“A është provokimi që e filloi Kievi në zonë (Detit të Azov) arsyeja vërtetë për anulimin? A është ligji? Unë besoj se ne duhet të shikojmë për përgjigje te situata e brendshme politike amerikane”, tha Zakharova.
Po ashtu, ajo deklaroi gjatë konferencës për shtyp se në marrëdhëniet me Uashingtonin, si Rusia dhe si vendet e tjera janë bërë “peng i konfliktit të brendshëm politik” në Shtetet e Bashkuara.
“Është mjaft e vështirë për të analizuar se çfarë po ndodh në Uashington për sa kohë që ne flasim për strategjinë e establishmentit politik, sepse strategjia po ndryshon çdo minutë, çdo sekondë”, tha Zakharova.
