Luka Modric ka lënë pas Cristiano Ronaldon dhe Antoine Griezman, duke rrëmbyer trofeun e Topit të Artë për vitin 2018.
Mesfushori i Realit është kroati i parë që fiton Topin e Artë. Por, kjo humbje e Ronaldos duket se ka indinjuar keq motrat e Ronaldos, të cilat kanë shpërthyer në postime në rrjetet sociale.
“Për fat të keq kjo është bota e kalbur ku jetojmë mes mafies dhe bijve të k****** pasanikë. Por unë dhe shumë njerëz kemi ende për të parë, sidomos drejtësi. Fuqia e Zotit është më e madhe se kjo kalbësirë. Zoti vonon por nuk harron”, shkruan në Instagram Elma motra e madhe e yllit portugez.
Ndërkohë motra tjetër Katia është treguar pak më e butë se Elma. “Lojtari më i mirë në botë … për ata që marrin vesh nga futbolli sigurisht. Jam e shqetësuar për të ardhmen e futbollit”– shkruan ajo në Instagram.
