Kalimi i Luka Modric tek Interi flitet prej disa javësh, por duket se fundit nuk do të jetë aspak i lumtur për zikaltërit. Presidenti i Real Madrid, Florentino Perez, nuk ka dashur që të mbajë premtimin që i ka dhënë lojtarit dhe i ka mbyllur dyert Interit që në momentin e parë. Zërat për këtë lëvizje ishin të shumtë dhe Interi nuk kishte dërguar asnjëherë një ofertë tek madrilenët për lojtarin, por ishin agjentët e kroatit që po punonin për të fituar ‘lirinë’ e Modric.
Por Real Madrid duket se është lodhur nga kjo çështje dhe ka vendosur që të denoncojë Interin në FIFA, arsyeja: Sjellje e paligjshme e skuadrës italiane. Ky lajm konfirmon dëshirën që ka pasur kroati që ti bashkohet ekipit në Milano, por që sjell probleme edhe për zikaltërit, të cilët kanë probleme edhe me “Fair Play Financiar”.
Modric ka një kontratë me Realin që skadon në vitin 2022 dhe në të ekziston një klauzolë që shkon në 700 milionë euro. Drejtuesit madrilenë akuzojnë Interin se ka kontaktuar në mënyrë të paligjshme lojtarin 6 muaj para skadimit të kontratës aktuale që lojtari ka me klubin aktual.
Kjo është e palejuar nga FIFA për sa i përket rregullave të merkatos. Ndërkohë që, pritet reagimi nga skuadra e Interit, për t’u mbrojtur nga akuzat e ekipit spanjoll.
