Kroaci ka zhvilluar një Botërorë fantastik në Rusi, duke shkruar historinë pasi shkonte për herë të parë në finale. Edhe pse humbën në finale shkëlqimi i futbollistëve në fushën e lojës ka bërë që të fitojnë zemrat e tifozëve, kroatët duhet të qëndrojnë me kokën lart pasi kanë bërë një punë të mrekullueshme.
Mesfusha e kroatëve ishte e përbëra nga dy lojtarë fantastikë të cilët luajnë për Real Madridin dhe Barcelonën, dy ekipet më të mëdha në botë. Luka Modriç dhe Ivan Rakitiç edhe pse kundërshtarë me njëri-tjetrin kur luajnë me klubet, kanë shkëmbyer fanellat duke lënë edhe një mesazh.
“Ivan, vëlla, jam shumë krenar për faktin që kemi ndarë së bashku këto momente të mahnitshme”, ka shkruar Luka Modriç në fanellën që ja ka dhuruar Rakitiçit. “Luka, vëlla, jam shumë krenar që kam pasur mundësinë të luaj krah teje”, ka shkruar Rakitiç.
