Javën që lamë pas Presidenti i Francës Emmanuel Macron dhe gruaja e tij udhëtuan drejt Uashingtonit, ku u priten nga Presidenti Turmp dhe Zonja e Parë.
Por, si për të mos shkuar me duar bosh, Macron i dhuroi presidentit të Amerikës një pemë. Pema ishte dhuratë e sjellë nga presidenti francez si pjesë e vizitës së tij zyrtare në Uashington dhe ishte marrë nga një pyll afër Parisit ku ishte zhvilluar një betejë e madhe gjatë Luftës së Parë Botërore me pjesëmarrjen e ushtarëve amerikanë.
Dyshja mbolli fidanin, e marrë nga vendi i një beteje të Luftës së Parë Botërore në veri-lindjen e Francës, javën e kaluar. Macron tha se pema do të ishte një kujtesë për marrëdhëniet mes dy shteteve.
Fotografitë e shkrepura nga një fotograf i agjencisë Reuters duket se tregojnë që pema e mbjellë në Shtëpinë e Bardhë nga presidenti Donald Trump dhe homologu i tij francez, Emmanuel Macron është zhdukur.
Pema vinte nga pylli Belleau, në veri-lindje të Parisit ku 1811 amerikanë humbën jetën në betejën e furishme në qershor 1918.
Në një postim në Twitter, Macron tha: “100 vjet më parë, ushtarët amerikanë luftuan në Francë, në Belleau për të mbrojtur lirinë tonë. Kjo pemë lisi (dhurata ime për Donald Trump) do të jetë një kujtesë në Shtëpinë e Bardhë e këtyre lidhjeve që na bashkojnë”.
Në vendin ku u mboll pema shikohet një pjesë bari e zverdhur. Rreth 2,000 ushtarë amerikanë vdiqën në betejën në veri-lindje të Parisit. Megjithatë, vetëm katër ditë pasi ishte mbjellë, fidani u zhduk.
