Andrea Meza nga Meksika është shpallur Miss Universe 2021. Kurorën e më të bukurës e rrëmbeu Andrea Meza, e cila përfaqësonte Meksikën në kompeticionin e famshëm.
Ajo mahniti gjithë të pranishmit me bukurinë e saj, dhe mbi të gjitha zgjuarsinë. 26-vjeçarja është diplomuar në inxhinieri software. Ndonëse pati aludime se ky spektakël i së bukurës nuk do të mbahej për shkak të pandemisë së koronavirusit, ndodhi krejt e kundërta. Konkursi u mbajt mbrëmjen e djeshme në Florida.
Spektakli u prezantua nga aktorët e njohur Jacky Bracamontes dhe Ponte Carlos. Fituesja arriti të triumfojë mbi 70 konkurrente nga e gjithë bota. Në vend të dytë u rendit bukuroshja nga Brazili, ndërsa në të tretin një vajzë nga Peruja. Miss Univers 2021 tha se bukuria nuk ka të bëjë vetëm me të bukurën.
“Ne jetojmë në një shoqëri që zhvillohet shumë e më shumë dhe ne jemi zhvilluar si shoqëri, kemi avancuar edhe me sterotipet. Sot, bukuria nuk ka të bëjë vetëm me mënyrën se si dukemi. Për mua, bukuria rrezaton jo vetëm në shpirtrat tanë, por në zemrat tona dhe mënyrën se si e prezantojmë veten. Mos lejoni kurrë dikë që t’ju thotë se nuk vleni”, u shpreh Meza, në raundin final të konkursit.
Shqipëria u përfaqësua këtë vit nga 23-vjeçarja, Paula Mehmetukaj, që u shpall fituese e “Miss Universe Albania 2020”.
