Ministri i ri i Shëndetësisë, Arben Beqiri, i shoqëruar nga zv/kryeministrja, Ledina Mandia, vizitoi sot në QSUT të lënduarit gjatë protestës së Partisë Demokratike, pasditen e së shtunës, në Bulevardin “Dëshmorët e Kombit”.
Dhjetëra qytetarë, pjesmarrës në mitingun e PD-së, ndër ta edhe kreu demokrat Lulzim Basha, iu drejtuan mbrëmjen e së shtunës QSUT Nënë Tereza dhe Spitaleve te tjera me probleme në sy e lëkurë.
Një pjesë e tyre kanë probleme me shikimin ndërkohë që shfaqin shenja të enjtjes dhe skuqjes
Sakaq Prokuroria ka filluar hetimet duke sekuestruar prozhektorët e ndriçimit, të cilët u përdorën në mitingun e hapjes së fushatës elektorale të Partisë Demokratike.
