“Ylli në ngjitje” i diplomacisë së Rusisë, Maria Zakharova ka zhvilluar në Beograd një takim me ministrin e jashtëm të Serbisë Ivica Daçiç. Ky i fundit është shprehur se shqiptarët e Kosovës dhe ata që i mbështesin ata janë problemi më i madh për zgjidhjen e çështjes së Kosovës. Zyrtari serb gjithashtu vuri në dukje se Beogradi do të vazhdojë luftën për integritetin territorial dhe sovranitetin.
“Gjithmonë kam folur për nevojën e ndarjes së pjesës serbe dhe asaj shqiptare të Kosovës. Ky është mendimi im personal … Nuk mund të komentoj për atë që Presidenti serb Aleksandër Vuçiç do të thotë me delimitim, por nuk dua të flasim sikur kjo çështje nuk është më në tryezë. Është një reflektim i dëshirës sonë për të arritur një kompromis”, -tha Daçiç duke folur të premten gjatë një konference të përbashkët për shtyp në Beograd me zëdhënësen e Ministrisë së Jashtme ruse Maria Zakharova.
Ai shtoi se “ka shumë ide për mënyrën se si kjo mund të ndodhë”.
“Por ka një gjë parimore, Prishtina po luan me nervat tonë, dhe nëse ne do na sosej durimi do të thonim: “Nuk kemi asgjë për të folur… Ata duan që Bujanoci dhe Presheva t’i përkasin Kosovës dhe kjo për ta është një kompromis … por nuk do lejojmë që budallenjtë të vijnë në dialog”,-tha Daçiç.
