“Më mirë që kjo katastrofë u shënua në rajonin e Tohokus, pasi dëmet do të kishin qenë edhe më të mëdha, nëse do të kishte ndodhur më afër kryeqytetit”, kjo ishte fjalia “bombë”. Pas kësaj deklarate, ministri japonez për Ndërtimin, Masahiro Imamura, ka dhënë dorëheqjen.
Kjo deklaratë është cilësuara tronditëse për pasojat e cunamit të vitit 2011, që regjistroi më shumë se 18.500 të vdekur dhe shkaktoi aksidentin bërthamor të Fukushimës.
Formulimi, duke përdorur shprehjen “më mirë” për këtë tragjedi, që rrezikoi të gjithë rajonin dhe banorët e tij, u cilësua jashtëzakonisht e pavend.
