Aventurës së Milot Rashicës tek Vitesse i ka ardhur fundi dhe për të kanë treguar interes një numër i madh ekipesh. Është vetë klubi holandez që e pranon se lojtari ka munguar në stërvitjen e fundit me skuadrës, pasi është duke punuar për transferimin e tij.
Klubi nuk ka dhënë më shumë detaje, por që sipas medieve holandeze lojtari pëlqehet nga klube si Hannover 96, Newcastle United, Napoli, AC Milan, Udinese, VfB Stuttgart and SC Freiburg. Edhe gazetari Stef de Bont, që përcjellë nga afër Vitessen për gazetën Voetbal International, ka zbuluar interesimin nga një klub gjerman.
“Menaxheri i lojtarit, Altin Lala dhe drejtori teknik Marc van Hintum kanë luajtur së bashku në Gjermani. Në fillim të këtij muaji kishte interesim nga Bundesliga për Rashican”, ka shkruar De Bont.
Por siç raporton edhe faqja italiane “tuttomercatoweb.com”, një lajm i bujshëm vjen nga merkato. Është pikërisht klubi holandez i Ajaksit, që kërkon të marrë shërbimet e sulmuesit shqiptar, që luan për Kosovën. Kartoni i tij ka një vlerë të lartë, dhe minimalisht Ajaksi do duhej të paguante 5 milionë euro për sulmuesin e krahut të djathtë.
Klubi e ka gjetur edhe zëvendësuesin e lojtarit, pasi ka nënshkruar me 18 vjeçarin Mitchell van Bergen. Rashica ka kaluar te Vitesse në vitin 2015 nga Kosova e Vushtrrisë. Për klubin holandez ai ka luajtur 98 ndeshje duke shënuar 15 gola. Anësori është pjesë e Përfaqësues së Kosovës dhe njëri ndër lojtarët kryesor.
