Sipas mediave italiane, Milani tashmë është bërë me portier të ri. Largimi i Pepe Reinas nga Napoli në drejtim të qytetit të Milanos është fakt i kryer. Portieri spanjoll do të ndërrojë ekip por jo kampionat, pasi ka arritur marrëveshjen me Milanin dhe në 3 sezonet e ardhshme do të jetë numri 1 i kuqezinjve.
Kuqezinjtë kanë informuar klubin napolitan se ka arritur akordin me portierin 35-vjeçarin, i cili Te Milani Reina do të përfitojë një pagë vjetore prej 3 milionë eurosh. Mbetet për t’u parë nëse Reina do të jetë zëvendësi i Donnarummës te 7-herë kampionët e Europës, apo portieri i talentuar do të largohet nga Milani në fund të këtij sezoni.
Polemikat e fundit që ka hapur agjenti i portierit Donnarumma, me ekipin e Milanit duket se nuk mund të përtypen nga bosët kinezë. Për këtë arsye ata mund të largojnë të riun, i cili është nën lupën e disa ekipeve të mëdha europiane mes tyre dhe Real Madrid.
