Milionat e shpenzuara nga kinezët e Milanit në merakton e verës kanë qenë tepër zhgënjyese deri në këtë fazë të sezonit. Ikja e Montellas dhe ardhja në stol e Gattuso nuk ka sjellë pothuajse asnjë ndryshim nga ato që priteshin. Për këtë arsye drejtuesit e kuqezinjve kanë fiksuar tre lojtarë të cilët nuk janë në planet e skuadrës dhe për këtë arsye do tu duhet të gjejnë ekip në merkaton e janarit.
Sipas “Corriere Della Sera”, trajneri kërkon një skuadër me një numër më të vogël lojtarësh edhe pse kuqezinjtë do të luajnë si në kampionat ashtu dhe në Europa League dhe Kupën e Italisë. Tri lojtarët që konsiderohen si të panevojshëm janë Gustavo Gomez, Paletta dhe Jose Mauri, që duket se do të largohen dhe drejtuesit kuqezinj janë në kërkim të një sistemimi.
Me arkëtimet që do të dalin nga shitja e këtyre 3 apo më shumë lojtarëve, që nuk janë më pjesë e projektit kuqezi, mund të blihet një futbollist tjetër, një kampion që mund të ndihmojë skuadrën, për të qenë një ekip më kualitativ në kampionat.
