Milani nuk di të ndalet, kuqezinjtë pas largimit të drejtuesve kinezë kanë vendosur që të rikthehen protagonistë që në vitin e parë. Duke pasur parasysh se këtë vit do të luajnë në Europa League, drejtuesit milanezë po bëjnë investime të mëdha që vitin e ardhshëm të jenë në Champions dhe pse jo të konkurojnë për tu shpallur kampionë.
Sipas gazetës “Il Sole 24 ora”, Milani ka arritur një marrëveshje me Lazion për të marrë Milinkovic-Savic. Transferimi i serbit do të bëhet në formë huazimi prej 40 milionë euro. Përveç kësaj Milani mund ta blejë në fund të sezonin Milinkovic për një shumë tjetër që nuk është bërë e ditur.
Në klinikën “La Madonina” pritet që të zbarkojë një futbollist në orët e fundit të merkatos, këtë e vërteton rezervimi i një mjeku që kanë bërë kuqezinjtë, raporton “Calciomercato.com”.
Lazio për serbin ka kërkuar 120 milionë euro, duke marrë parasysh që për mesfushorin janë interesuar klube si Real Madrid, Juventus, Manchester United dhe PSG. Kujtojmë që afati i fundit për të nënshkruar me Milinkovic-Savic, Milan e ka sot në orën 19:00, e cila përkon edhe me mbylljen e merkatos në Serie A.
