Kompania Microsoft serish ka azhurnuar sigurinë e disa versioneve më të vjetra të platformës për Windows, për t’iu kundërvënë valës masive të sulmeve kibernetike, të cilat kërkojnë para.
Gjiganti teknologjik amerikan, në kumtesën e tij në ueb faqe, përkujton se qysh në mars ka përditësuar versionet e vjetra për të parandaluar dëmin nga sulmet kibernetike.
Vlen të thuhet se kryeministrja britanike, Theresa May ditë më parë deklaroi se sulmi kibernetikë kundër shërbimit publik shëndetësor (NHS) ishte një sulm ndërkombëtar që ka prekur disa vende dhe organizata dhe e dënoi ashpër atë.
“Ky sulm kibernetik nuk ka pasur si synim vetëm NHS, ky është një sulm ndërkombëtar dhe disa vende dhe organizata janë prekur”, deklaroi ajo në një stacion televiziv.
