Ish-President i Republikës, Ilir Meta, nga qelia, iu përgjigj deklaratave të kryeministrit Edi Rama, se Reforma në Drejtësi u miratua me 140 vota në Kuvend.
Në një reagim të publikuar në rrjetin social facebook, Meta thekson se reforma e miratuar në vitin 2016 nuk kaloi me 140 vota, por me 69 vota.
“Dua t’i kujtoj ‘qenushit të Sorosit’ se reforma e tij dhe dy buzëputhurve ishte me 69 dhe jo me 140 vota,” shkruan Meta.
Ai shton se, më 22 korrik, me rastin e 10-vjetorit të 140 votave, shqiptarët do të shohin se si, sipas tij, “qenushi me gjithë qenushët e tjerë të Sorosit u detyruan jo vetëm ta votojnë Reformën në Drejtësi, siç desha unë (Komisioni i Venecias), por edhe të puthen në buzë nga dëshpërimi.”
Meta kujton se Reforma në Drejtësi u miratua me konsensus të plotë falë seancës plenare të 21-22 korrikut 2016. Ai gjithashtu thekson se për të tjerat, historitë do të publikohen më vonë për të ruajtur kuriozitetin e publikut.
“Për këdo që e ka harruar, po ju kujtoj se si i kam thirrur qenushët e Sorosit për të votuar me 140 vota, Reformën në Drejtësi,” tha Meta, duke i rikthyer kujtesën lexuesve mbi ngjarjet e rëndësishme të asaj kohe.
