Kreu i LSI-së, Ilir Meta në një takim me të rinjtë e LRI-së, në pallatin e Sportit “Asllan Rusi”, theksoi se Basha dhe Rama nuk mund ta mbajnë peng Shqipërinë.
Të rinjtë, sipas Metës, do të jenë përcaktues në zgjedhjet e 18 qershorit, ashtu si në vitet ’90, kur u rrëzua regjimi komunist.
“Nuk kemi asnjë minutë kohë për të humbur as me arrogancën e njërës palë, as me ultimatumin e palës tjetër. Ne duam stabilitet dhe paqe sociale. E ardhmja e Shqipërisë nuk mund të merret peng. Është fuqia e të rinjve që nuk do të lejojnë të marret peng demokracia dhe zgjedhjet e lira në këtë vend”, u shpreh Meta.
