Zëvendës presidentja e Partisë së Lirisë, Erisa Xhixho, foli sot lidhur me zgjedhjet e 11 majit dhe kandidaturën e kreu të PL-së Ilir Meta në këto zgjedhje. E ftuar në emisionin “Log” në News 24 Xhixho tha se vendimmarrja e Metës frymëzoi anëtarët e partisë. Ajo shtoi se Meta tregoi lidership.
“Partia e Lirisë padyshim pas pengmarrjes politike të Metës dhe vendimmarrjes së tij për të qenë në listë të kapur, kam qenë kundër për vet situatën që ndodhet presidenti i PL. Vendimmarrja e tij na frymëzoi dha shembull i prestistencës së tij dhe asaj që ai përfaqëson. Vendimmarja e tij tregon besimin e madh që ai ka në kauzën e listave të hapura. Tregojnë lidershipin e Ilir Metës. Pavarësisht se ne si kryesi debatuam për vendimmarrjen, absolutisht që e respektuam vendimmarrjen e presidentit”, tha Xhixho.