Futbollisti i Tiranës, Unfull Kobina, është kthyer në një çështje të nxehtë, për shkak të telasheve ku është gjendur së fundmi.
Ai akuzohet për dokumenta të falsifikuara, teksa mori dhe një dënim nga gjykata e Tiranës me 100 orë shërbim në komunitet. Mediat ganeze kanë zbuluar së fundmi një zhvillim disi të papritur për sa i përket të ardhmes së anësorit të Tiranës.
Sipas “massiveupdates.com”, Kobina do të largohet këtë javë nga kryeqyteti shqiptar për të bërë vizitat mjekësore dhe testimet e rastit me një klube tjetër, para se të finalizojë marrëveshjen për transferimin e tij përfundimtar në një kampionat më të mirë se ai shqiptar.
Largimi i Kobina, mund të zyrtarizohet nga klubi i Tiranës në orët në vazhdim.
Kobina, ditë më parë “futi në sherr” mazhorancën me Presidencën, pasi dhënia e nënshtetësisë për 8 orë nga Meta për lojtarin e Tiranës, u konsiderua nga socialistët si shkelje e ligjit.
