Lionel Messi është duke kaluar një sezon fantastik me Bracelonën, ku golat dhe asistet e tij kanë qenë të shumta deri në këtë fazë të sezonit. Ylli argjentinas ka bërë një rrëfim special për median italiane “TuttoSport”, ku nuk ka lënë pa përmendur rivalin e tij më të madh, Cristiano Ronaldon.
Argjentinasi u shpreh se Juventusi është shumë më i favorizuar me CR7 në ekip për të fituar trofeun e Champions Ligës dhe ka theksuar se i mungon koha kur Ronaldo ishte në Madrid.
“Të jesh në të njëjtin kampionat dhe të përpiqesh të fitosh me ekipin është shumë e bukur. Cristiano ishte një lojtar i madh për La Ligën dhe Realin. Këto duele ishin shumë të bukura, por gjithmonë kam qëllimin që të fitojë ndeshjen me ekipin tim. Ronaldo i mungon çdo ekipi që do ta kishte sepse ai shënon shumë dhe jep shumë në fushë, por Reali akoma ka një ekip të mirë dhe lojtarë të mëdhenj”, deklaroi Messi.
“Juventus është një skuadër shumë e fortë. Ishte edhe para se të transferonin Ronaldon dhe me transferimin e tij është shumë më e fortë tani. Më të janë kandidatë shumë të fortë për të fituar Championsin”, ka përfunduar ylli i Barcelonës.
