Bruce Grobbelaar, ish-portieri i Liverpool në vitet 1981-1994 ka rrëfyer dramën më të madhe të jetës së tij në një intervistë për britaniken “The Guardian”. Ai rrëfen se si u përfshi në luftën për pavarësinë e Zimbabve, në Afrikë. Bruce ishte adoleshent kur u përfshi në ushtrinë e Rohdesain në vitin 1975 në luftën për pavarësinë e Zimbabve (lufta mes racës së bardhë dhe asaj të zezë). Ai trondit kur kujton se si një nga ushtarët e bardhë të repartit të tij gjymtoi të gjithë viktimat e tij, që ishin të racës së zezë.
“Ky djalë i preu veshin çdo armiku që vrau. Ai i ruajti veshët e viktimave në një kavanoz dhe ai kishte shumë kavanoza në koleksionin e tij. Familja e tij ishte brutalizuar për këtë ai kërkonte hakmarrje”, tha fillimisht ish-portieri.
60-vjeçari ndalon para se të përshkruajë momentin kur vrau një burrë. “Koha ime e parë ishte në muzg. Ndërsa dielli mbytet ju jeni duke parë hije nëpër shkurre. Nuk mund t’i dalloni shumë derisa të shihni të bardhët e syve të tyre. Është ti ose ata. Ti gjuan, shtrihesh përdhe dhe shpërthen shkëmbim zjarri. Dëgjon zëra në anën tuaj: ‘Hej, ushtar, unë jam qëlluar’. Kur përfundon shkëmbimi i zjarrit sheh trupa kudo. Herën e parë do të vjellësh çdo gjë që ke në stomak. “
Sa njerëz keni vrarë? “Nuk mund të ua tregoj (duket sikur ai ka vrarë shumë njerëz). Kjo është arsyeja pse unë kam jetuar gjithmonë jetën time deri sot. Mund të them vetëm se më vjen keq për të kaluarën. Por, nuk mund ta ndryshoj”, pranon Grobbelaar.
Më tej 60-vjeçari rrëfen vuajtjet e tij deri kur mbërriti në Angli dhe aty ra në sy të skautëve të Liverpool, të cilët e morën atë në skuadër pavarësisht rezervave që kishin për sjelljen e tij. Ndërsa shton se në kohën kur ai luante futboll lojtarët konsumonin shumë birrë, “Në rastet kur fitonim e mbyllnim me tre birra, por kur Liverpool humbiste pinte një duzinë me birra për të shuar ankthin dhe për vrarë dhimbjen”, thotë ai.
