Qeveria kroate është përfshirë në një skandal të rëndë ku zëvendëskryeministri dhe ministri i Ekonomisë, Tomislav Tolušić, shfaqet në foto me një prostitutë dhe kokainë.
Ka qenë gazeta kroate “Nacional” ajo që ka botuar fotot, në të cilat shfaqet Tolušićin. Ai është i ulur në kolltuk, ndërsa në prehrin e tij është një grua me flokë të zezë thuajse e zhveshur.
Nga fotot gruaja mban një telefon celular në dorën e saj. Ndërsa Tolušić dyshohet se po konsumon kokainë.
Kryeministri Andrej Plenković tha të mërkurën se “rasti Tolušić’ ishte një përpjekje e pabesë për të destabilizuar qeverinë e tij, duke hedhur poshtë fotografitë e publikuara
“Ne kemi parë tashmë mesazhet e fabrikuara ‘tekst’ midis prokurorëve të shtetit, gjyqtarëve, kryeministrit dhe zëvendëskryeministrit, por ne nuk kemi parë asgjë si kjo më parë,” tha Plenkovic në fillim të mbledhjes së qeverisë, duke shtuar se sajimi i fotografive komprometuese të zëvendëskryeministrit ishin kthyer në temën kryesore ditët e fundit.
Kryeministri theksoi se të gjithë në qeveri u zemëruan nga përpjekja për të goditur ministrin Tolušić, i cili mund të ketë pasoja të rënda edhe në jetën e tij private. “Kjo meriton dënimin më të fortë dhe, natyrisht, pres që autoritetet të gjejnë autorin dhe të zbulojnë motivin e tyre”, tha Plenkoviç.
