E ëma e një milioneri është marrë peng, në një qytet të vogël në Austri. Fillimisht kanë qenë dy limuzina që i kanë ndërprerë rrugën. Më tej kanë dalë dy persona dhe kanë rrëmbyer gruan e moshuar. 88-vjeçarja lëvizte me karrocë ndihmëse, dhe shoqërohej nga shërbëtorja.
Ajo është nëna e Stefan Ottrubay, një milioner aristokrat me një pasuri që i kapërcen 810 milionë euro.
Ottrubay është përfaqësues i familjes Esterhazy, një familje aristokrate hungareze, rrënjët e së cilës shkojnë deri në shekullin e 13-të.
Familja ka shumë prona, mes tyre edhe dy kështjella në qytetin ku u rrëmbye e moshuara.
Policia austriake ka nisur një aksion ndërkombëtar, pasi mendohet se makinat kishin targa të huaja.
