Pas dënimit të deputetit demokrat Ervin Salianji me një vit burg për kallëzim të rremë në çështjen “Babale”, kreu i Partisë Demokratike, Lulzim Basha, ka reaguar duke akuzuar qeverinë për një pazar politik mes tij dhe ish-kryeministrit Sali Berisha.
Në një postim në rrjetet sociale, Basha thekson se situata përbën një tregim të njohur të tradhtisë dhe manipulimit. Ai pretendon se Edi Rama ka dhënë “vulën” për Sali Berishën, ndërsa Ervin Salianji është lëshuar si një “sacrificial lamb” në këtë marrëveshje. Basha shtron pyetje mbi integritetin e trupës gjykuese, duke theksuar se si është e mundur që gjyqtarët që dënuan Salianjin, ia dhanë më parë “vulën” Berishës.
Me ironi, Basha pyes se “pse këta gjyqtarë dje ishin heronj dhe sot janë bërë vasalë të Edi Ramës”, duke e kritikuar sistemin gjyqësor si të kompromentuar dhe të varur nga ndikimet politike.
Ai përmend se “pazari i ndyrë Rama-Berisha” nuk mund të mbulohet me “diarrenë mediatike” që sipas tij prodhojnë politikanët e “lëpirë”.
Në fund, Basha thekson se ky lloj pazar politik nuk mund të maskohet me mashtrime apo lëpirje.
