Dy nga agjentët më të mirë të shërbimeve sekrete, përkatësisht të Rusisë dhe Gjermanisë, i rikthehen ‘zanatit të vjetër’. Kancelarja gjermane, Angela Merkel ka vendosur të zbatojë thënien e vjetër: “Armiku i armikut tim, mund të jetë miku im”, dhe mik për kancelaren është bërë Britania, dikur armike.
Merkel i ka dorëzuar shërbimit të inteligjencës së Britanisë së Madhe, dosjet e shërbimit sekret gjerman BND, për presidentin rus Vladimir Putin.
Lajmi është publikuar në gazetën gjermane “Fokus”, në të cilën thuhet se janë dorëzuar edhe dosjet për analizën e gjendjes në Krime.
Merkel, sipas informacioneve të “Fokus”, është takuar të paktën dy herë me tre shefa të shërbimit sekret britanik, për shkak të kërcënimeve terroriste në Gjermani dhe Evropë.
Në takimin e fundit, sipas “Fokus”, janë dorëzuar dokumente të rëndësishme, që dispononte kabineti i kancelares, mbi punën e shërbimeve inteligjente dhe informacione tepër kofidenciale për presidentin Putin.
Kjo, sipas gazetës, është bërë pa dijeninë e autoriteteve qeveritare.
Në bisedimet e mëvonshme me kolegët gjermanë, informuesit britanikë kanë shfaqur çudinë se pse Merkel nuk ka informuar shërbimin e vet për takimet në Britaninë e Madhe.
