Shefja e ekzekutivit gjerman, Angela Merkel, ka marrë vendimin për të mbyllur profilin në Facebook. Ajo ka falenderuar përdoruesit për mbështetjen e dhënë, duke ju kujtuar se punën e saj si kancelare mund të vazhdojnë ta ndjekin.
“Sot është dita që unë dua t’ju falenderoj për mbështetjen e fuqishme në faqen time në Facebook. Ju e dini që unë nuk jam më kreu i CDU dhe kjo është arsyeja pse unë do të mbyll faqen në Facebook”, tha Merkel nëpërmjet një videoje.
Mbi 2,5 milionë vetë e ndiqnin faqen e Merkelit, e cila kishte kapërcyer kështu edhe presidentin francez Emmanuel Macron dhe 2,3 milionë ndjekësit e tij.
