Themeluesit i “Thorex”, Faruk Fatih Özer, që akuzohet për mashtrimin e më shumë se 400 mijë qytetarëve në Turqi mund të jetë marrë peng nga Mafia në Shqipëri. Media turke ka bërë të ditur se është zbuluar targa e makinës ku u fut 27 vjeçari para se të “avullonte”.
Sipas gazetës “cumhuriyet” bëhet e ditur se, dy motoçiklistë e kanë parë një makinë misterioze me targa 06 AGA, brenda të cilës u fut 27-vjeçari turk, duke u zhdukur më pas pa gjurmë. Pikërisht në këtë moment dyshohet se Özer është marrë peng pa e kuptuar nga një rrjet mafioz që operon në Shqipëri. Themeluesi i “Thorex”, 27 – vjeçari Faruk Fatih Özer, akuzohet për mashtrimin e më shumë se 400 mijë qytetarëve dhe, sipas mediave turke, dyshohet se turku ka pasur lidhje me grupe kriminale në Shqipëri, mund të jetë mashtruar nga ata për të udhëtuar drejt Shqipërisë.
Fillimisht nga mediat turke u pretendua se Faruk Fatih Özer u arrestua në Prishtinë pak ditë më parë, por “cumhuriyet” shkruan se emri i tij nuk ishte në listën e 29 emrave turq që ishin pjesë e “listës së zezë” të Interpolit, duke saktësuar se i riu është ende i lirë. I riu nga Turqia, i cili akuzohet për mashtrimin e më shumë se 400 mijë personave, ka hyrë në Shqipëri pak ditë para zgjedhjeve parlamentare, e tashmë është nën hetim zhdukja e tij.
Özer themeloi kompaninë në vitin 2017 dhe lejonte përdoruesit të blejnë dhe të shesin kriptovaluta të Bitcoin, por pasi u mori investimet nuk i lejonte më që të kishin akses në platformë. Pas denoncimeve të bëra, Prokuroria nisi hetimet ndaj tij duke e shpallur në kërkim, pasi akuzohet se ka kryer veprën penale: mashtrim duke përdorur sistemet e informacionit, bankat ose institucionet financiare dhe krijimin e një organizate kriminale.
