Crtistiano Ronaldo duket se do të jetë blerja e madhe e Juventusit në këtë merkato vere. Ylli portugez nuk është aspak i lumtur në Madrid dhe këtë e ka konfirmuar edhe duke refuzuar rinovimin e kontratës të ofruar së fundmi nga klubi. Pas këtij refuzimi drejtuesit madrilenë vendosën që të dëgjojnë ofertat për të dhe Juventusi ka qenë i pari që është hedhur në sulm.
Sipas El Chiringuito TV, Juventus ka bindur portugezin që të transferohet në kampionatin italian. Ronaldo ka bërë të ditur se nuk dëshiron të luaj më për skuadrën spanjolle pasi dëshiron një sfidë të re.
Kjo deklaratë iu ka pëlqyer menjëherë drejtuesve të Juventus të cilët kanë kontaktuar me agjentin e lojtarit. Ronaldo është pajtuar që të transferohet në Serie A, kurse tani pritet ndonjë reagim nga faqet zyrtare të dy skuadrave.
Po ashtu nga Spanja bëjnë me dije se klubet kanë rënë dakord për shifrën 100 milionë euro. “La Sexta” raporton se Ronaldo do të përfitojë një rrogë prej 30 milionë eurosh në sezon tek Juventusi, dhe se me “zonjën” do të firmosë një kontratë 4 vjeçare. Gjithsesi, tashmë pritet vendimi i vetë Ronaldos për një transferim të tillë.
