Përfaqësuesi e UNDP në Kosovë Andrew Russell, i ftuar në një emisoin televiziv në Serbi, ka folur në lidhje me raportin e fundit të UNDP-së për qytetarët e Kosovës të cilët u bashkuan me grupet ekstremiste në Siri. Përfaqësuesi i UNDP-së ka theksuar se janë 335 qytetarë të Kosovës, kryesishte të rinj të papunë, janë bashkuar me grupet ekstremiste në Siri nga 2012-2015.
“75 për qind e atyre që shkuan ishin burra, 18 për qind ishin femra, ka edhe fëmijë, duke u bazuar në statistikat zyrtare të policisë së Kosovë. Këto janë kryesisht shqiptarë të Kosovës. Kishte edhe të tjerë nga pakicat që jëtojnë në Koosvë që shkuan atje. Shumica e tyre janë të rinj, duket se 60 për qind ishin midis moshës 18 dhe 38 vjeç. Pra ky është një grup i përbërë nga të rinj, jo tërësisht, por kryesisht “- tha ai.
Aspektet socio-ekonomike, sipas zyrtarit të OKB, janë një nga motivet kryesore për ata që “udhëtuan” në Siri nga Kosova, por ka edhe faktorë të tjerë.
“76 për qind e atyre që udhëtuan ishin të papunë, para se të udhëtonin, do të thotë që 25 për qind kanë një punë, prandaj nuk është i vetmi faktor motivues, shumë prej të cilëve gjithashtu raportuan se u përpoqën të shkonin në Perëndim”, shtoi Russell.Duke komentuar gjetjen e raportit që nga 55 gra që iu bashkuan lutrave të rrezikshme në Siri, 27 nga Kosova shkuan në fusha të huaja të luftës, ai tha se ata shkuan kryesisht si “familje të plota” dhe se gratë nuk morën pjesë drejtpërdrejt në luftime, por kishin rolin e “ndjekjes së burrave të tyre dhe duke u kujdesur për shtëpinë, shkruajne mediat serbe. PËRSHTATI TIRANA TODAY
