Alenaca Veriatlantike (NATO) po përgatitet për luftë kundër serbëve, duke i armatosur shqiptarët dhe kroatët, thuhet në raportet e shërbimeve informative ushtarake serbe, të cilat javën që shkoi i janë dorëzuar kreut të shtetit serb.
Shërbimet informative ushtarake serbe kanë marrë informacioni se NATO, përmes Turqisë, do t’i dërgojë Kosovës helikopterët modern “Black Hawk”.
Sipas mediave serbe, helikopterë të tillë do t’i dërgohen edhe Kroacisë, së cilës gjatë vitit 2015, NATO i kishte dhuruar 16 helikopterë luftarakë “Kiowa Warrior”, shkruan gazeta serbe “Pravda”, raporton Telegrafi.
Sipas shërbimeve informative serbe, qëllimi i këtij operacioni është: shqiptarët të marrin veriun e Kosovës dhe në të njëjtën kohë, nën pretekstin e ndërhyrjes humanitar, kroatët të sulmojnë pjesën perëndimore të Republikës Serbe.
Kosova po përgatitet seriozisht për një luftë të re dëshmon edhe deklarata e Hashim Thaçit, i cili përsëriti paralajmërimin e kryeministrit shqiptar, Edi Rama, për krijimin e “Shqipërisë së Madhe”.
Në të njëjtën kohë, Kroacia po planifikon sulm në pjesën perëndimore të Republikës Serbe. Ndryshe, në raportet sekrete diplomatike thuhet se është hartuar plani për “Stuhinë” e re, në të cilin ka marrë pjesë edhe gjenerali, Ante Gotovina, i cili tani është këshilltar në Qeverinë e Kroacisë, transmeton Telegrafi.
