Në një intervistë për Le Lene, presidenti i Federatës Italiane të Futbollit, Carlos Tavecchio ka pranuar se mund të japë dorëheqjen. Po ashtu ai ka pranuar se zgjedhja e Venturës në pankinën e kombëtares italiane ishte bërë nga ana e tij dhe ka qenë një gabim shumë i madh, po atë kohë vetëm ai ishte i disponueshëm. Pritet që të hënën Tavecchio të paraqitet me letrën e dorëheqjes në mbledhjen e Kolegjit Federal, raportojnë mediat taliane.
“Kam 4 ditë që nuk vë gjumë në sy. Jam thellësisht i dëshpëruar, sepse isha thuajse i sigurt për kualifikimin. Është i gjithë faji i Venturës, sepse bëri zgjedhje teknike dhe taktike krejtësisht të gabuara, por përgjegjësia është edhe e imja, pasi unë e zgjodha trajnerin. Në të 2 takimet kemi luajtur keq, me topin në krah dhe krosime në zonë, kur dihej që suedezët ishin të gjithë nga 1.90 m të gjatë. Duhej të luanim më shumë në qendër dhe me lojtarë shtatshkurtër e teknikë, por që fatkeqësisht qëndronin në stol”, tregoi mes lotësh Tavecchio.
