Silvio Berluskoni, i cili ka qenë i përfshirë në disa afera seksuale, të cilat janë shndërruar edhe në skandale të mëdha politike, është kthyer sërish në qendër të vëmendjes, kjo për shkak të një videoje realizuar në vitin 2011, ku ai ndodhet mes femrave.
Ai ndodhet i rehatuar në divanin e tij, e ndërsa u përgjigjet prerazi kërkesave të shumta të femrave, të cilat duan të pushtojnë botën e televizionit. Njëra prej tyre dëgjohet të thotë se nëse e ndihmon, do të vijë një ditë që ai do të shpërblehet për këtë favor.
Por ai nuk ndryshon qëndrim, madje u thotë atyre se po kërkojnë të pamundurën. “Vajza ju kërkoni të pamundurën”, u përgjigjet ai. Videoja, sipas ANSA është bërë në kohën e hetimit te famshem për çështjen Ruby, e cila kishte shpërthyer tashmë.
“Ishullin” nuk e bëri… edhe filmin që duhet të bëja me Massimo Boldi, ia dhe asaj”, thotë njëra nga vajzat. Berluskoni i përgjigjet: “Nuk ia dhashë unë”.
Një tjetër vajzë e re, me shumë mundësi Marysthell Polanco i thotë: “Unë një kontratë dua dhe kaq mjafton “papi”. Është ajo që me nevojitet… ti je kryeministri i Italisë, pronar i Mediaset”.
Ai ia kthen:“E ke parë çfarë po më bëjnë? Kryeministrit të Italisë…” “E kanë tentuar të gjitha”.
Ai thekson me tej se “Vetëm unë mund të kem forcën për tu rezistuar situatave të tilla”.
Berluskoni pranon se vajzat e reja në vilën Arcore kanë tentuar në vazhdimësi të hyjnë në jetën politike, mediatike, drejtësi, pasuri, madje dhe në marrëdhënie seksuale.
Ish-kryeministri ndërpret vajzat në një moment: “Gjeta tre gjyqtarë komunistë. Tani zbulova se dy prej tyre shkruanin për Lotta Continua dhe bënë fjalime që të dështoja”, shpjegon ai duke iu referuar dënimit me të cilin Gjykata e Apelit e Milanos në korrik 2011, kishte dënuar kompanine e tij Fininvestin, për të paguar 540 milionë euro për familjen Cir de De Benedetti.
Më pas shton: “Kanë provuar gjithçka, por unë kam rezistuar pa u lëkundur”.
Me tej, në bisedë një vajzë i thotë që ta ndihmojë djali i tij: “Të bëjë ai diçka, i thoni djalit per Mediaset, tregoni atij ‘të bëjë një’ edhe pse ai na urren (…) nëse ai thotë se nesër” Unë dua atë te bëje këtë program ‘ … “.
Duket se jane fjalet e Marysthell Polanco, një nga frekuentueset e mbrëmjeve në Arcore.
Ndërkohë që Berluskoni vazhdon: “Unë jam goditur mbi të gjitha, sepse pas një jete me pune, jam shkatërruar si një imazh në botë, për shkak se më kanë quajtur ai i ‘bunga -bunga’, gjithçka që bëra si burrë shteti, si politikan, madje edhe për të shmangur luftën ndërmjet Rusisë dhe Gjeorgjisë … “.
Rreth 5 vite më parë, Karima el-Mahroug, e njohur me nofkën “Rubi-grabitësja e zemrave”, dëshmoi në gjyqin që po zhvillohej ndaj tre prej ish-ndihmësve të ish-kryeministrit italian.
Një vajzë marokene në qendër të skandalit seksual ku u përfshi ish-kryeministri italian, Silvio Berluskoni, tregoi për një rast ku një vajzë, që merrte pjesë në një nga mbrëmjet zbavitëse të ish-kryeministrit, të njohura si “bunga-bunga”, ishte veshur si murgeshë dhe kishte kërcyer në mënyrë provokuese, duke bërë striptizëm.
