Cristian Panucci e mori drejtimin e kombëtares pa bërë asnjë test të mirëfilltë të lojtarëve, por vazhdoi me atë që i kishte lenë De Biasi. Kjo pasi ishim në mesin e eliminatoreve të botërorit, konkretisht sfidat me Lihtensteinin, Maqedoninë, Spanjën dhe Italinë. Tashmë teknikut italian i jepet mundësia që të bëjë një provë të vërtetë dhe të përpiqet të vendosë lojtarët në skemën që ka projektuar në mendjen e tij.
Trajneri ka tentuar të bëjë disa lëvizje në këto ndeshje por nuk ka dashur të rriskojë shumë pasi ishin ndeshje me fqinjët e Ballkanit dhe rezultati kishte shumë rëndësi edhe pse kualifikimi për në Rusi ishte i pamundur. Në miqësoren me Turqinë do të duket dora e vërtetë e Panuccit,pasi do të ketë mundësi të testojë lojtarit pa pasur presionin e rezultatit. Ai ka zgjedhur të sjellë forca të reja në ekipin kombëtarë si Ajdareviç, Ylber Ramadanin dhe Kamer Qakan, me të cilët do të punojë i qetë në Antalia.
Përballë kombëtares së drejtuar nga një “ujk” i vjetër i stolave si Mircea Lucescu, Panuci më në fund mund të nisë të ndërtojë pa presionin e rezultatit Shqipërinë e tij.
