Alketa Hysa ka treguar se Dan Hutra kishte dyshime se fëmija që kishte në bark ishte i tiji. Ditën e sotme, teksa ishte e ftuar në emisionin ‘Zemër të Hapur’, Alketa tregoi se pasi kryen analizat në një klinikë, Dani nuk i tregoi asgjë por mëngjesin tjetër i tha ‘më ke gjak’. Kjo fjali e kishte frikësuar. Më pas, Alketa tregon se Dan Hutra kishte llogaritur ditët e shtatzanisë së saj, e sipas llogaritjes fëmija nuk ishte i tiji.
“Ditën tjetër të mëngjesit, ai më tha më ke gjak, u frikësova. Shihja heshtje të madhe, kisha frikë. Më ka marrë dhe telefonin. Mua nuk më tregon askush se isha shtatzënë, më thanë se mishi i huaj në trup ishte sëmundje e keqe. Madje, Dani më ka numëruar dhe ditët e shtatzanisë, së bashku me motrën e tij. Nuk e di si i kanë bërë.
Ajo nuk bënte thonin për mua, kanë sharë familjen time. Pastaj dola nga krahu tjetër. Ai më tha mua s’mbaj dot kopilin tënd”- tha Hysa.
Çfarë ka ndodhur?
Mesditën e 1 marsit, Hutra shkoi në Astir për të eliminuar me thikë pa shkaktuar shumë zhurmë Marjana Gurakuqin të cilën e akuzonte se nuk i kishte kthyer një shumë parash.
Falë disa klientëve që hynë në dyqan dhe reagimit të saj ajo mundi të shpëtojë me disa lëndime në dorë dhe në fytyrë. Fill pas kësaj ngjarje ai shkoi në Kodër Kamëz ku qëlloi ndaj familjes së ish-bashkëjetueses, duke lënë të plagosur ish-bashkëjetuesen Elena Hysa, 35 vjeçe dhe nënën e saj Kujtime Hysa 60 vjeçe dhe vrarë me armë zjarri Mevlute Hysan 30 vjeçe, motrën e ish-bashkëjetueses së tij dhe Hasime Dafkun 30 vjeçe, të fejuarën e vëllait të ish-bashkëjetueses.
Më pas ai shkoi në Kamëz dhe vrau motrën e kundërshtarit të tij në burg, Etleva Kurtin. Sipas tij objektivi i radhës ishte një person me vendbanim në Kombinat, i cili sipas tij kishte shitur në vitin 1999 armën me të cilën u vra i ati në Durrës.
