Eksperienca në Greqi për qendërmbrojtësin e kombëtares shqiptare, Mërgim Mavrajn ishte shumë e shkurtër. Ditën e sotme është finalizuar me sukses transferimi i tij te skuadra gjermane e Ingolstade. Mavraj u bashkua me Arisin e Selanikut, por gjërat nuk shkuan si duhet dhe vetëm pas gjysmë sezoni u largua për tu rikthyer në Gjermani.
Kapiteni i Kombëtares shqiptare ka firmosur deri një kontratë deri në vitin 2020, dhe do të udhëtojë menjëherë drejt Alikantes në Spanjë, për fazën përgatitore të ekipit. Mavraj konsiderohet si një përforcim i nevojshëm për mbijetesën.
“Mërgimi sjell te ne cilësitë që na duhen për të qëndruan në ligë dhe të arrijmë objektivin sezonal. Ai është një fitues i vërtetë, e njeh futbollin gjerman dhe është një luftëtar i jashtëzakonshëm” – u shpreh Harald Gartner, Drejtori për Komunikimin në klub.
Ndërkohë, vetë Mavraj e pranon këtë sfidë të re në karrierë: “Jam i bindur që do luftojmë për të dalë nga kjo situatë e vështirë. Në karrierën time, kam përjetuar momente të ngjashme dhe tani dua të sjell eksperiencën time në klub.”
Ingolstadi gjendet në vendin e fundit, atë të 18-të në Bundesligën e dytë gjermane, me 10 pikë, ndërsa lufton për të mos rënë nga kategoria, dhe para vetes ka 3 ekipe të tjera, me një diferencë prej vetëm 3 pikësh.
