Mbrëmjen e djeshme, kanë përfunduar “Mbrëmjet Strugane të Poezisë”. Edicioni i 56-të i këtij festivali u përmbyll me manifestimin poetik “Ura e Strugës” dhe dorëzimin e çmimeve të ndryshme.
Ky festival do të zhvendoset sot në Shkup, ku në mënyrë tradicionale do të mbahet Mbledhja e poetëve në Matkë, ndërsa në mbrëmje do të ketë edhe Miting ndërkombëtar të poezisë në sheshin “Maqedonia”.
Në “Mbrëmjet Strugane të Poezisë” të vitit 2017 morën pjesë tridhjetë poetë nga Maqedonia dhe jashtë.
Edicioni i sivjetshëm filloi më 23 gusht, me leximin e poezive ndërkombëtare “Merdianet Poetike”, në të cilën poezinë e tij të parë e recitoi fituesi i “Kurora e artë”, Çarls Simiq, ndërsa hapjen solemne të festivalit e bëri ministri i Kulturës, Robert Allagjozovski.
