Pedagogu Afrim Osmani, i ftuar në programin televiziv, ka komentuar zhvillimet e fundit lidhur me listat e kandidatëve të Partisë Socialiste dhe qasjen e kryeministrit Edi Rama ndaj të rinjve në politikë.
Osmani theksoi se në grupin e të rinjve të PS-së nuk ka pasur figura me vokacione të rëndësishme dhe e cilësoi qasjen e Ramës si një lojë taktike. Ai e krahasoi situatën me fabulën e “Mbretit Lakuriq”, duke thënë se të gjithë po mbahen pas Ramës për të siguruar një vend në listë, ndërsa theksoi se për një lider autoritar si Rama, platforma dhe rezultati janë më të rëndësishme se vokacionet e individëve.
Afrim Osmani: Në grupin e të rinjve të PS, nuk ka pasur vokacione me rëndësi. Rama po luan. Rama thoshte “problem është sistemi”, por korrupsioni u bë dhe më keq nga se ishte. Jemi në fabulën e Mbretit lakuriq. Të gjithë mbahen pas Ramës se duan emrin në listë.
Platforma politike është ndoshta dhe më i rëndësishëm sesa rezultati. Por, një autoritari si Rama nuk i intereson vokacioni i çdokujt. Rama ka rënë, por ai kupton dobësinë e opozitës. Rama di të “shesë” mjaft mirë, bën shumë mirë marketing.
