Sot u mbajt konferenca e organizuar nga dhoma Amerikane e Tregtisë së shqipërisë dhe Kosovës. Ku është folur për problemet e tregtisë dhe investimeve, përmes prezantimeve të ekspertëve nga Shqipëria dhe Kosova, si dhe vënjën përballë të bizneseve nga të dy vendet.
Në panel morën pjesë dhe ministrat përkatës të ekonomisë, analistë tregëtie, sipërmarrës, përfaqsues I doganave dhe drijtuesi i Odës Amerikane të Kosovës.
Analisti i tregtisë, Ilir Ciko, në materialin e përgatitur posaçërisht për këtë event citoi : “Si të përparojmë më tej: Marrëdhëniet tregtare Shqipëri-Kosovë, situata, potenciali dhe disa sugjerime”, tha se struktura e shkëmbimeve tregtare mes dy vendeve mbetet tepër e varfër dhe e përqendruar, duke pasqyruar realitetet ekonomike të tyre.
Ndërsa drejtuesi i Odës Amerikane të Kosovës, Arian Zeka, tha: “Veprimet që merren nga qeveritë janë në kundërshtim me frymën e bashkëpunimit që promovohet mes dy vendeve. Është pa kuptim që dy vendet i vënë barriera njëra–tjetrës, kur ato as nuk konkurrojnë dot me të njëjtët produkte, përkundrazi i kanë plotësuese”.
“ Prej kohësh funksionon tranziti i përbashkët me Kosovën dhe përdorimi i deklaratës së thjeshtuar”, tha z. Sinani.
