Kryeministri Edi Rama deklaroi në mbledhjen e Këshillit Ekonomik Kombëtar se vendi ka potencial për rritje të investimeve të huaja.
“Po mblidhemi në një kontekst shumë inkurajues për ekonominë tonë, pasi ka marrë një vlerësim shumë të mirë. Është hera e parë që Shqipëria ngjitet në këtë nivel të vendeve dhe nga ana tjetër investimet e huaja janë rritur ndjeshëm. Vizioni ynë shkon përtej, pasi ne kemi një potencial të ngjitemi në 4.5 miliardë. Patjetër, ne kemi synim të ngjitemi me një tjetër përmirësim. Sot teksa shohim të dhënat, trendet nuk është aspak e shfrenuar imagjinata, pasi shohim që turizmi rritet dhe sipërmarrja në turizëm nuk shtron problemin e pagave, por shtron problemin se të ketë të paguaj. Nga ana tjetër ne duam të kemi më shumë kontribut në të gjithë faktorët, se si do të parashtrojmë arsimin profesional në funksion të tregut dhe sigurisht dhe për moshat që nuk janë më mosha shkolle.
Projektligji për dhomën ekonomike tregtare që është shumë i rëndësishëm, duhet t’ia imponojë të gjithëve të drejtën e regjistrimit si në çdo vend të tregut. Është një proces ku pushteti ekzekutiv, gjyqësor kanë detyrat e tyre që duhet t’i përmbushin sepse do të integrohet Shqipëria në BE. Do të ketë kostot e pashmangshme në këtë proces, do të duhet të bëjë sakrificat e veta në këtë procesë. Do të duhet një emërues i përbashkët në këtë proces dhe kërkon dije, që nga mënyra se si funksion integrimi europian.”, tha Rama.
