Numri i viktimave nga tërmeti 7.7 ballë që goditi Mianmarin të premten vijon të rritet, duke arritur në 2,056 të vdekur, ndërsa mbi 3,900 persona janë të plagosur dhe 270 të tjerë raportohen ende të zhdukur.
Organizata Botërore e Shëndetësisë ka bërë thirrje për ndihmë prej 8 milionë dollarësh, duke theksuar se spitalet në vend janë të shkatërruara dhe të mbingarkuara me pacientë.
Ndërkohë, edhe Tajlanda, e cila u prek nga lëkundjet, ka regjistruar 19 viktima. Kryeministri tajlandez deklaroi se situata në vend po kthehet në normalitet, por ekipet e shpëtimit vijojnë punën për të gjetur të mbijetuar nën rrënojat e një ndërtese të shembur në Bangkok.
