Titulli kampion në Superiore do të vendoset sot me finalen e madhe në “Arenën Kombëtare”. Një ndeshje që sheh përballë Vllazninë me Egnatian të diskutojnë për trofeun.
Ky trofe pritet më me shumë ankth prej vitesh në Shkodër, ku e kanë festuar për herë të fundit 24 vites më parë. Ndaj kanë qenë të shumtë tifozët shkodranë që janë mobilizuar për të ndjekur ndeshjen në kryeqytet, ku mund të vendosin yllin e trofeut të 10 në fanellë.
Rreth një orë e gjysmë para ndeshjes, ultrasit e Vllaznisë të organizuar kanë mbërritur pranë stadiumit dhe kanë nisur të popullojnë tribunat e tij, duke u bërë gati për këtë ndeshje teksa nuk ndalnin koret për skuadrën e zemrës.
