Kylian Mbappe në një intervista të dhënë së fundmi ka futur në panik Paris Saint Germainin. Sulmuesi francez nuk e ka përjashtuar mundësinë e largimit nga kryeqyteti francez. ‘A do të largohem, në futboll e ardhmja nuk dihet asnjëherë-deklaroi Mbappe që më pas sqaroi-unë jam i kënaqur si po shkojnë gjërat këtu në Paris.
Me klubin kam një kontratë deri në vitin 2021, kështu që nuk është momenti për të menduar për gjëra të tjera’, është kjo një deklaratë që për më tepër ka ndezur edhe fantazinë e klubeve më të rëndësishme evropiane që duan shërbimin e sulmuesit i cili është vënë në shënjestrën e Realit të Madridit, por nuk mbeten pas as Juventusi, Barcelona e Manchester City.
Por për të rrëmbyer Mbappe nga Paris Saint Germain nuk është aspak e lehtë. Parisienët përpara 18 muajsh paguan 180 milionë euro te Monaco për për 20-vkeçarin, por gjatë këtyre muajve vlera e tij në merkato është rritur ndjeshëm që do të thotë se për ta marrë futbollistin nga transalpinët klubet duihet të paguajnë të paktën 200 milionë Euro.
