Mazda, kompania japoneze deklaroi të premte se do të rrisë prodhimin e automjeteve “pro ambientit” gjatë viteve të ardhshme, dhe parashikohet që rreth viteve 2030 dhe 2035 shumica e makinave të saj do të zëvendësohen nga motorë elektrikë ose hibridë.
“Shumica e makinave do të kenë motor elektrik të kombinuar me motorin me djegie”, tha zëdhënësja e Mazda (MZDAF) Nao Nohmi për CNNMoney.
Kompania gjithashtu do të prodhojë një makinë hibride dhe do të prezantojë një makinë me bateri rreth viteve 2019.
Ndërkohë që Mazda nuk mendon të braktisë as motorët me benzinë dhe naftë sipas Nohmit.
“Ne ende besojmë se ne do të kemi nevojë për motorin me djegie në të ardhmen,” tha ajo.
Kompania zbuloi gjithashtu para pak kohësh një motor shumë të efektshëm me djegie, në të cilin kombinohet benzina me teknologjinë dhe me naftën. Ajo ka në plan të inkorporojë atë në makinat që do prodhojë deri në vitin 2019.
Por ndërthurja mes teknologjisë dhe tradicionales mund ti kushtojë shumë Mazda. Konsumatorët deri më tani kanë treguar interesim të kufizuar për makinat elektrike dhe hibride, pavarësisht faktit se prodhuesit e automjeteve po ofrojnë gjithnjë e më shumë modele të reja të tyre. /Tirana Today
