E kishte paralajmëruar dhe tani u bë fakt i kryer, lideri i partisë Social Demokrate të Gjermanisë Martin Schulz ka dhënë dorëheqjen.
Schulz ka propozuar në postin e liderit të SPD-së Andrea Nahles, kreun e grupit social-demokrat parlamentar në Bundestag.
Në një konferencë të shkurtër për mediat, Schulz konfirmoi dorëheqjen e tij dhe deklaroi se dëshiron t’i japë fund debatit të brendshëm brenda partisë në mënyrë që anëtarët e SPD-së të përqendrohen në marrëveshjen e arritur për koalicion qeverisës me konservativët e Kancelares Angela Merkel.
Martin Schulz njoftoi javën e kaluar se do të largohej nga posti që mbante.
