Kreu i Partisë Demokracia Sociale, Paskal Milo deklaroi gjatë emisionit “Arena” që deri të shtunën në darkë të arrihet një marrëveshje politike.
“Nuk kam qenë në koalicion sepse nuk kam qenë në qeveri. Do të shkojmë në zgjedhje si forcë politike për të mbijetuar politikisht.
Na u imponua kjo situatë nga sjellja politike e dy partive të mëdha. Duke qenë se nuk ka shans për marrëveshje, le të shpresojmë se do të ketë”,- tha Milo.
Sipas tij, takimet finale dhe ato që mund të nxjerrin “tymin e bardhë” bëhen pa u njoftuar.
“Për mua, momenti i fundit do të jetë e shtuna në darkë.
Ndoshta deri të shtunën mund të kemi ndonjë kompromis. Fakti që sot është punuar me intensitet të lartë nga diplomatët.
Unë flas për ndikimin e shteteve që përfaqësojnë jo ndikimin personal të z. Donald Lu dhe zonjës Vlahutin”,- theksoi ai.
