Protesta e grekëve jashtë parlamentit ka degraduar në dhunë, ndërkohë që brenda ndërtesës diskutohej Marrëveshja e Prespës.
Një grup njerëzish hodhën gurë dhe fishekzjarre kundër forcave të policisë, duke bërë që këto të fundit të përgjigjen me granata shpërthyese dhe gaz lotsjellës.
Dhjetëra policë që zbritën në sheshin Sindagma përdorën shkopinjtë e gomës dhe gazin lotsjellës, duke arritur të shpërndajnë turmën e protestuesve.
Pas përleshjes, disa persona u plagosën dhe u dërguan në spital, si dhe u ndaluan 4 protestues për dhunë.
Pritet që protestat të vazhdojnë sërish paraditen e sotme, në kohën që parlamenti do të votojë Marrëveshjen e Prespës.
