Marc Marquez ka krijuar një distancë prej 67 pikësh me rivalët që e ndjekin dhe tashmë e sheh titullin kampion të Moto GP shumë pranë. Përposh meritës së spanjollit të Honda, në këtë shkëputje ka ndikuar edhe luhatja që kanë pasur Yamaha dhe Ducati.
Në pjesën e parë është dalluar Rossi me Yamaha, ndërsa tani po shkëlqen Ducati me të dy pilotët e saj. Pikërisht këto luhatje të skuadrave të tjera, Yamaha e Honda, kanë favorizuar Marquez, që tashmë sheh më afër titullin e 7-të kampion në karrierën e tij në garat e motoçiklizmit.
“Për fat të mirë, Ducati u “zgjua” vonë këtë sezon, duke lënë shumë pikë në fillimin e kampionatit. Ndërsa Rossi, që ishte rivali më i afërt në garat ne para, tani ka shumë probleme me Yamaha-n e tij. Ky avantazh është i madh në këtë pjesë të sezonit dhe nëse vazhdojmë me këtë ritëm mund të festojmë më shpejt titullin.
E di që me Ducatin do të jetë një betejë e fortë deri në fund, por kam një motor të shpejtë, me të cilin mund të dueloj në çdo pistë”, u shpreh Marc Marquez. Gara e radhës në Moto GP do të zhvillohet në pistën spanjolle të Aragon, më 23 shtator.
