Kryeministri i Malit të Zi, Dushko Markoviq para dy ditësh ka nisur një vizitë pune në Organizatën Evropiane për Hulumtime Bërthamore- CERN, në Gjenevë, ku e kanë pritur një grup drejtorësh të këtij institucioni shkencor me prestigj ndërkombëtar.
Markoviq ka thënë se është i nderuar me ftesën në CERN. “Problemet më të mëdha të Malit të Zi fillojnë me investimet në dituri, për këtë arsye jemi këtu. Fillojmë partneritetin me ju”, ka thënë Markoviq.
Gjatë zhvillimit të punimeve në CERN, Markoviq nënshkroi memorandumin e mirëkuptimit midis Qeverisë së Malit të Zi dhe CERN-it, përmes të cilit bëhet anëtar me të drejta të plota i eksperimentit CMS. Fjala është për një nga eksperimentet më të mëdha të Organizatës Evropiane për Hulumtime Bërthamore- CERN-it, ku janë angazhuar mbi 4 mijë shkencëtarë, inxhinierë dhe studentë nga 200 institucione kërkimore gjithandej nëpër botë.
