Lideri i LSDM, i mandatuar për formimin e qeverisë, Zoran Zaev pritet të publikojë sot skaletën e kabinetit qeverisës, njoftojnë mediat.
Publikimi i emrave të anëtarëve të kabinetit, i paraprinë kongresit të LSDM-së, që do të mbahet nesër, ku Zaev është kandidati i vetëm për kreun e partisë.
Javën e ardhshme qeveria e Zaev pritet të miratohet në Kuvend, dhe referuar aleancave të deritanishme të LSDM-së me subjektet e tjera politike, kryesisht shqiptare, nuk pritet ndonjë pengesë në procesin drejt konstituimit të saj.
Presidenti, George Ivanov i dha mandatin për krijimin e qeverisë së re, kreut të LSDM-së Zoran Zaev, më datë 17 maj, dy ditë para përfundimit të afatit kushtetues dhe menjëherë pas takimit me Zv. Ndihmës Sekretarin e Shtetit të SHBA, Hoyt Brian Yee, i cili zhvilloi një tur në Ballkanin Perëndimor.
