Mediat maqedonase raportojnë se kreu i LSDM-së, Zoran Zaev, dhe ai i BDI-së, Ali Ahmeti, janë takuar gjatë ditës së sotme për të diskutuar lidhur me zgjidhjen e ngërçit politik në Maqedoni.
Sipas këtyre pohimeve, tema e diskutimit mes Zaev dhe Ahmetit ka qenë zgjedhja e kryetarit të Parlamentit maqedonas.
Ndërkaq, agjencia e lajmeve “Ina” raporton se, nëse nuk krijohen rrethanat e zgjidhjes së kryeparlamentarit, atëherë do të nisin procedurat për zgjedhjen e kabinetit të ri qeveritar.
Sipas saj, nuk përjashtohet mundësia që presidenti i Maqedonisë, Gjeorge Ivanov, të shpallë gjendjen e jashtëzakonshme, me pretendimin se po rrezikohet karakteri unitar i vendit.
